Breaking News
Breaking News
Dark
Light

Majaliwa Akutana na Wafanyabiashara Kuhusu Kodi

June 26, 2024
by

Waziri Mkuu Kassim Majaliwa amekutana na viongozi wa Jumuiya ya Wafanyabiashara nchini, ofisini kwake Mlimwa jijini Dodoma, katika jitihada za kutatua changamoto za kodi zinazowakabili wafanyabiashara.

Kikao hicho kimefanyika siku ya tatu tangu wafanyabiashara hao walipofunga maduka yao, wakilalamikia mzigo mkubwa wa kodi ambao wanasema unawakosesha uwezo wa kufanya biashara kwa faida. Wafanyabiashara wamekuwa wakidai kuwa kodi za TRA zimekuwa kikwazo kikubwa kwa maendeleo ya biashara zao, na wameomba serikali kusikiliza kilio chao na kuchukua hatua za kupunguza mzigo huo.

Waziri Mkuu Majaliwa, akizungumza baada ya kikao hicho, ameahidi kuwa serikali itashirikiana na sekta binafsi kutafuta suluhisho la kudumu kuhusu kodi. Amesema serikali inatambua changamoto za wafanyabiashara na itafanya kila linalowezekana kuhakikisha mazingira bora ya biashara yanapatikana.

SomaZaidi;Mapambano Dhidi ya Wanyamapori Wakali

Hata hivyo, suala la kodi limeendelea kuwa tatizo kubwa kwa wafanyabiashara nchini Tanzania. Wafanyabiashara wanaamini kupunguza mzigo wa kodi kutawawezesha kuongeza uzalishaji na kuboresha huduma zao kwa wateja.

Serikali imeahidi kuendelea kushirikiana na wafanyabiashara ili kujenga mazingira mazuri ya biashara ambayo yanazingatia maslahi ya pande zote na kuhakikisha ushirikiano endelevu katika kuleta maendeleo ya kiuchumi na kijamii nchini.

Kikao cha leo kati ya Waziri Mkuu Majaliwa na viongozi wa Jumuiya ya Wafanyabiashara kimeweka msingi wa majadiliano ya kina kuhusu namna bora ya kushughulikia kero za kodi na masuala mengine yanayohusu biashara nchini Tanzania. Wafanyabiashara wanasubiri kwa hamu hatua zaidi za serikali kutekeleza ahadi zilizotolewa na kuhakikisha mazingira bora ya biashara yanapatikana haraka iwezekanavyo.

Author

3 Comments

  1. I¦ll immediately grasp your rss feed as I can not to find your email subscription hyperlink or e-newsletter service. Do you’ve any? Please permit me understand in order that I could subscribe. Thanks.

Leave a Reply

Your email address will not be published.

Don't Miss

Thousands flee as battle for Sudan’s Wad Madani opens up new front

Sudan’s Rapid Support Forces battled the army outside the central

Makamba Touts Big Strides in Economic Diplomacy

 Tanzania has made commendable strides in economic diplomacy, with the