editor
Mhe. Ummy Mwalimu, ametoa wito kwa Watanzania kuacha kujitimizia matumizi holela ya dawa bila kufuata ushauri wa madaktari.
Hii ni hatua muhimu katika kupambana na tatizo la usugu wa dawa dhidi ya vimelea, ambapo dawa hizo husumbuka kuponya. Akizungumza katika Semina ya Afya iliyofanyika Tanga, Waziri Ummy ameeleza umuhimu wa kufuata ushauri wa madaktari wakati wanapoagiza dawa na kutoa maelekezo kuhusu matumizi yake. Hii itasaidia kuzuia tatizo la usugu wa dawa, ambalo husababisha dawa kushindwa kuponya magonjwa.
Aidhan Ummy amewakumbusha wajawazito kuhudhuria kliniki mapema pindi wanapohisi ujauzito, ili kupunguza vifo vinavyohusiana na uzazi. Pia, amewasisitiza wajawazito kujifungulia katika vituo vya kutolea huduma za afya, ili kuepuka vifo vya watoto wachanga.
SomaZaidi;Madhara Yakutumia Dawa Za Kuongeza Makalio
Serikali imeendelea kuboresha huduma za afya kwa watoto wachanga, ambapo idadi ya hospitali zenye wodi maalum za watoto wachanga (NCU) imeongezeka kutoka 14 mwaka 2018 hadi 241 mwaka 2024.
Katika semina hiyo, kulijadiliwa mada mbalimbali za afya, ikiwa ni pamoja na elimu kuhusu mifumo ya afya, afya ya uzazi, mama na mtoto, na ushiriki wa wanaume katika afya ya uzazi pamoja na wajibu wa jamii nzima katika kupunguza vifo vya watoto wachanga wanaozaliwa na uzito pungufu.
