Ronaldo Azeeka Na Utamu Wake,Aweka Rekodi Mpya

Wahenga wanasema anaeijua njia hakosei, kwa takribani miongo miwili ya maisha yake ya mpira mchezaji wa Timu ya taifa ya Ureno na klabu ya Al Nassir ya huko Saudi Arabia  amekuwa mfumania nyavu borawa muda wote licha ya panda na shuka za kuhama timu kadha wa kadha.

Licha ya kufananishwa uwezo na  wachezaji wengi alioanza nao maisha ya mpira na hata vijana wa sasa kama Mbappe,Halaand na Jude Belligham bado Christian Ronaldo ameendelea kuwaka katika kupachika mabao akiwa na muendelezo bora wa miaka kwa miaka

Soma Zaidi:Lionel Messi Reveals No Retirement Plans Yet

Katika mechi iliyochezwa dhidi ya Al-Ittihad , Mkongwehuyo wa miaka 39 alitupia bao lililomfanya kufikisha idadi ya mabao 893 katika maisha yake ya soka na kufikisha mabao 35 kwa msimu 2023/2024  akivunja rekodi iliyoshikiliwa na Abderrzak Hamdallah katika msimu wa 2018/19 wa Saudi Pro Legue.

Ikumbukwe Cristian Ronaldo ni moja ya wachezaji ghali zaidi katika ligi kuu ya Saudi Arabia akisajiliwa kitokea timu ya Manchester United ya nchini uingereza

kupitia mtandao wake wa X Mchezaji huyo ni kama amerusha jiwe gizani hasa kwa wapinzani wake kwa kuandika”I DO NOT FOLLOW THE RECORDS,THE RECORDS FOLLOW ME” akimaanisha kuwa Rekodi humfuata yeye na si yeye huzifata.