Joseph Isangura
Mkurugenzi Msaidizi wa Idara ya Utegemeo na Huduma za Wazee, Dkt. Mwinyi Kombo, amesema kuwa Serikali imekusudia kuongeza bajeti ya Wizara ya Afya kutoka Trilioni 1.2 katika mwaka 2023/24 hadi Trilioni 1.3
katika mwaka 2024/25. Hatua hii ni sehemu ya jitihada za Serikali za kutilia mkazo mapambano dhidi ya ugonjwa wa fistula, ambao umekuwa ukiathiri idadi kubwa ya wanawake nchini.
Fistula ni ugonjwa ambao husababishwa na kuzaa kwa muda mrefu au kutokana na madhara ya upasuaji wa uzazi. Hali hii inasababisha uharibifu wa miundo ya kizazi, ambayo hutokana na wamama waliopata matatizo wakati wa kujifungua. Matokeo yake ni kuwepo kwa matatizo ya kujihisi vibaya, maumivu, na hata kuzuiliwa katika shughuli za kijamii kwa wale wanaoathiriwa na hali hii.
Dkt. Kombo amesema kuwa hali hii imekuwa ikisababisha athari kubwa kwa maisha ya wanawake wengi, hususan wale wenye umri kati ya miaka 15 hadi 49, ambao ndiyo wengi wanaoathirika na ugonjwa huu. Hali hii pia imekuwa ikisababisha changamoto katika kukidhi mahitaji ya kijamii na kiuchumi kwa wanawake hao.
“Tunakiri kwamba changamoto ya fistula imekuwa ikisababisha madhara makubwa kwa wanawake wengi nchini. Hii ni sababu mojawapo ya sababu ambazo Serikali imeamua kuongeza bajeti ya Wizara ya Afya, ili kuimarisha huduma za kuzuia na kupona ugonjwa huu,” alisema Dkt. Kombo.
SomaZaidi;Chanjo Ya Saratani Mlango Wa Kizazi ni Salama-Matabibu
Aidha, Dkt. Kombo amesema kuwa pamoja na kuongeza bajeti, Serikali pia itaendelea na juhudi za kuhamasisha jamii kuhusu umuhimu wa kujifungulia katika vituo vya afya, kudhibiti magonjwa yanayosababisha fistula, na kuimarisha huduma za rufaa kwa wanawake wanaougua ugonjwa huu.
“Tunaahidi kufanya kila linalowezekana kuhakikisha kuwa tatizo la fistula linakuwa la historia katika miaka ijayo. Tunawaomba wananchi kufuatilia na kushiriki kikamilifu katika mapambano haya,” alisema Dkt. Kombo.
Pamoja na hayo, Serikali imekuwa ikifanya jitihada mbalimbali katika kuboresha huduma za afya kwa wanawake, ikiwa ni pamoja na kuongeza idadi ya vituo vya afya vinavyotoa huduma za uzazi, kuimarisha taaluma ya wauguzi na wakunga, na kuongeza upatikanaji wa vifaa na dawa muhimu.
Hatua hizi zinatarajiwa kuchangia pakubwa katika kupunguza tatizo la fistula nchini, na kuleta matumaini kwa wanawake wengi ambao wamekuwa wakikabiliwa na changamoto hii kwa muda mrefu.
