Joseph Isangura
Leo hii, Tanzania inashuhudia kuanza rasmi kwa mitihani muhimu ya Kidato cha Sita (ACSEE) na Ualimu ngazi ya Cheti na Stashahada. Hatua hii muhimu inaambatana na matarajio makubwa kutoka kwa wanafunzi, walimu, na wazazi kote nchini.
Kulingana na taarifa iliyotolewa na Ofisi ya Katibu Mtendaji, Baraza la Mitihani la Tanzania, jumla ya watahiniwa 113,504 wamesajiliwa kufanya Mtihani wa Kidato cha Sita mwaka huu wa 2024. Hii ni ongezeko la asilimia 6.19 ikilinganishwa na idadi ya watahiniwa mwaka jana.
Akizungumza na waandishi wa habari, Katibu Mtendaji wa Baraza la Mitihani la Tanzania, alielezea kuwa kuanza kwa mitihani hii kunafuatia maandalizi makini yaliyofanywa na kamati za mitihani za mikoa na halmashauri kote nchini. Semina zimefanyika kwa wasimamizi wa mitihani na mazingira ya vituo vya mitihani yameandaliwa kwa ajili ya kuhakikisha utulivu na usalama wakati wa kufanya mitihani.
Soma zaidi:Sekta Ya Elimu Ni Wakala Wa Mabadiliko Katika Jamii-Majaliwa
Idadi ya watahiniwa wa Ualimu pia imeongezeka kwa kiasi kikubwa, kufikia idadi ya 11,552, ikilinganishwa na idadi ya watahiniwa 8,479 mwaka jana. Hii inaashiria ongezeko la asilimia 36.24 katika idadi ya watahiniwa wa Ualimu.
Wakati huo huo, jamii imehimizwa kutoa ushirikiano ili kuhakikisha kuwa mitihani inafanyika kwa amani na utulivu. Wananchi wametakiwa kutowaruhusu watu wasiohusika kuingia katika maeneo ya mitihani ili kuepuka vitendo vya udanganyifu. Ushirikiano wa kila mmoja utasaidia wanafunzi kufanya mitihani yao kwa haki na uwazi.
Mitihani ya Kidato cha Sita na Ualimu ni muhimu sana kwa mustakabali wa elimu na taifa kwa ujumla. Wananchi wameombwa kutoa taarifa kwa Baraza la Mitihani pindi wanapobaini vitendo vya udanganyifu.
Wow, awesome blog format! How long have you been blogging for? you made blogging glance easy. The whole look of your web site is great, as neatly as the content!
Wonderful website. Lots of useful info here. I’m sending it to a few friends ans also sharing in delicious. And certainly, thanks for your effort!